هى ورورام بربره حسرتیلن اللرى
یاده سالوب آغلورام سن كیمى مه پیكرى
اى گوزلیم هارداسان گل منى بیر یادایله
گور نهگونه قالموشام بیر سوموكم بیر درى
گرگله سن یانمه اوندا یقین ایلرم
چرخ فلك چورولوب ایشلر اولوب تسكرى
سنده گناه یوخدى من بخت قرا بیركسم
هرنه متاعیم اولا تاپمیاجاق مشترى
ساقى بى معرفت ویرمدى ساغر منه
باغریمى قان ایلهدى سنسون اونون ساغرى
ساقى نه لازم منه جام میى نیلورم
باده نابم اوزوم عشقون ایدوبدور جرى
عشقویله گور نجه مست و خراب اولموشام
عشق مجازى دگول دوتما اونى سرسرى
قربان اولوم عشقوه گورنه سبب ساز دور
قرخ نیچه ایلدن صورا شاعر اولوب جعفرى
عشق خطا ایلدى عاشقى سالدى تورا
ویردى باشندان قراخ تا سوزولوب گوزلرى
قویمادى قوراخ گیدم بیر دیریلیك یولارین
داشلیغا سالدى منى باشلادى شور و شرى
یازاندا بو سوزلرى داده گلوب جعفرى
بوركهلنیب كاغذى چپجالانیب جوهرى
16/12/1372 كرج